Веќе секој од нас е информиран за COVID-19 или корона вирусот кој за жал не ја одмина Република Северна Македонија.Иако секојдневните информации кои стигнуваат до нас, а се излезени од официјалните гласила и институции имаат за цел да не инфромираат, сепак постои мала паника кај дел од луѓето, па така многумина ги испразнија рафтовите низ маркетите. Но она што го пазареа воопшто не е по препораките на стручните лица, односно, очигледно празните рафтови со масло, брашно, разни десерти ни покажува дека многу малку сме информирани за тоа каква храна треба да конзумираме во време на пандемија.
Бидејќи прв пат се соочуваме со пандемија, добро е да се информираме како да постапуваме и кои се мерките за превенција. Но исто така важно е како да го зајакнеме нашиот имунитет.
Како да се зашитите од корона вирусот?Прв чекор – почитувајте ги сите мерки за намалување на ширењето на вирусот!Втор чекор – бидете свесни дека сепак постои веројатност да се заразите, што значи дека морате да работите на тоа вашиот имун систем да биде во одлична форма за да може да се справи со вирусот – доколку се инфицирате!
Што може да ви помогне да го зајакните вашиот имун систем?
Витамин Д – во зимски период и во период на настинки, грипови и други вируси, многу е важно да знаете дека витамин Д е исклучително важен за правилно функционирање на имуниот систем. За во зима препорачувам суплементација на витамин Д, околу 1000 до 2000 И.Е. витамин Д за деца, и околу 2000-3000 И.Е, витамин Д за возрасни.
Свежо овошје и зеленчук богато со антиоксиданти – тука ќе ги спомнеме цитрусните овошја, и црвените овошја кои се исклучително богати и со витамин Ц и со други антиоксиданти.
Пчелини производи – мед, прополис, матичен млеч… пчелините производи докажано влијаат на подобрување на работата на имуниот систем, така што секогаш се добар избор за да го зајакнете вашиот имунитет.
Доволно протеини – консумирајте доволно здрави протеини бидејќи протеините/аминокиселините се градбени единици на компонентите на имуниот систем. Мешунки, семки, јатки, печурки, свежа риба, домашни јајца, посно месо, нерафинирани житарки, зеленчуци…
Здрави масти – стојте подалеку од маргарин и рафинирани масла, бидејќи имаат воспалителни ефекти врз нашето тело и немаме некоја корист од нив. Држете се до здравите ладно цедени растителни масла – како што се маслиновото масло и лененото, бидејќи со нив внесувате доволно омега – 3 и омега – 9 масни киселини кои имаат антивоспалителен карактер и поволно влијаат на нашето здравје и на нашиот имун систем.
Ако имате можност за престој во природа (изолирани од други луѓе) – направете го и тоа, свежиот воздух, сонцето и природата исто така влијаат многу позитивно врз нашиот имун систем, но шетање по паркови и во групи дефинитивно не е добра идеја.
Останати природни имуностимулатори – ѓумбир, цимет, лук, ехинацеа, домашни сирупи од плод од бозел, боров сируп, сируп од цвет од бозел итн.
Што делува деструктивно по вашиот имун систем?Ø консумирање на поголеми количини на алкохол;Ø пушење цигари;Ø страв и паника ;Ø нездрава храна;Ø рафинирана храна;Ø прости шеќери и бело брашно;Ø консумирање на слатки, чоколади, маргарин, сè што спаѓа во индистриски процесирана храна;Ø несоодветно спиење (легнување доцна, спиење помалку од 7 часа, или пак претерано спиење);Ø физичка неактивност или претерување со физичка активност;Ø несоодветна употреба и честа употреба на антибиотици и други лекови;Ø прејадување…
За крај, апел и од нас да ги почитувате мерките и препораките од Министерството за здравсто на Република Македонија затоа што во моментов тоа ни е најдобрата шанса да го пребродиме овој период. Самоизолирајте се, искористете го времето за да го направите се она за кое во изминатиот период сте немале време.
