Учениците го одбележија денот на лица со попреченост со цел да промовираат разбирање и да се подигне свеста за правата на овие луѓе.
Луѓето со попречености треба да ги уживаат подеднакво сите права како и останатите граѓани и нивните потреби во остварување на правата за инклузивност во општеството. Нивниот хендикеп не ги прави помалку вредни, почитувани или вклучени во секојдневните општествени случувања. Напротив, и покрај бариерите со кои секојдневно се соочуваат, тие се тука меѓу нас, нивниот глас се слуша а нивниот труд се вреднува.
*Корисен факт
Се смета дека 15 проценти од светската популација, или повеќе од 1 милијарда луѓе во светот живеат со попреченост што налага неминовна потреба од поголем фокус на сите чинители кон промени на перспективите на попреченоста и примена на соодветен пристап низ призмата на човековите права.
