Во ООУ „Даме Груев”- с.Ерџелија под менторство на наставничката по физика Маја Давкова, беше одбележана Светската недела на вселената со низа на активности.
Во активностите се вклучија ученици од V и VIII одделение. Секоја година од 4 до 10 октомври, луѓе од целиот свет се обединуваат за да ги прослават достигнувањата во истражувањето на вселената и да ги едуцираат и инспирираат младите.
Овие датуми одбележуваат два историски настана:
● 4 октомври 1957 година: Лансирањето на првиот човечки направен сателит, Спутник 1, со што започна ерата на истражување на вселената.
● 10 октомври 1967 година: Потпишувањето на Договорот за принципи за мирно користење на вселената, Месечината и другите небесни тела.
